阿神
平民百姓
SiuyauLoVeSusanna
UID 119138
精華
7
積分 8148
帖子 5200
威望 2948
金錢 85745
存款 309558
閱讀權限 255
註冊 2006-1-4
狀態 離線
|
|
|
黑龍必殺法+黑龍槍法
黑龍必殺法+黑龍槍法
大概是最後一次update這篇攻略了。
因字數限制問題，<<黑龍槍法>>在第5個post
<<雙刀殺龍法>>
打黑龍前準備
1)雙劍超絕一門(必備，拎炮可以唔駛睇了)，高手話用雙龍劍天地效果更佳，因斬味長
2)磨石x10~20(下載版黑龍最好20)
3)超強走x5(唔一定花光，包險起見)，整法係copy，唔likey copy可以學某d勁人慢慢合
4)防係愈高愈好，唔好以為秒殺就唔著都得，理由一陣講
5)技能方面，推薦幾個
->匠~斬味+1
->業物~斬味扣慢一倍
->研師~磨石快
->快速收集(唔記得左個名)~掘多幾個
6)回藥愈多愈好
7)最好貓飯滿血
戰鬥攻略:
段片以黑龍噴火球開始，一開始向右跑，佢會轉兩次身，千祁唔好係佢個頭前方，一定要走到兩邊，等佢轉到第二下身就食強走(基本上佢每次轉完兩次身都係食藥同磨石好時機)再鬼人化，佢每次完左兩次轉身後有3個可能動作
1)向前噴火球，易避，可追打
2)向前快爬，全身包括尾屬秒殺，遠離，磨石好時機
3)飛起放波，只要佢轉兩下身後你唔係佢個頭前方就唔會中，都係磨石好時機，要企係佢個影度，因為用左鬼人化，唔怕風壓
打o既方法係雙刀鬼人化後亂舞(圓+三角)，地方係後腳背部，呢個位最安全而且易打，而打o既時機就係佢向前慢爬，追住佢後腳黎斬，佢繼續爬就繼續斬，未斬到把刀斬唔入都照斬，因為你唔斬佢佢會轉身的，又會錯失良機。
就算你斬得幾好，佢最後都會轉身，佢轉身時你而你又打緊的話，你會比佢扯左入肚，會扣血但唔會秒，高防可以減小血流失，入左肚就盡快出番黎再遠離佢，仲徘徊係佢身邊注定比佢秒，佢轉完身又會係個三個動作，完左再追住佢後腳打就ok。
上面係大概打法，詳細事項以下遂樣講
1)黑龍有五個任務，分黑龍1,2,3,4同黑龍傳說(下載)，黑龍1,2,4最小血，3中間，傳說最多血(多1.5~2倍)但出好野
2)打緊黑龍後腳時佢受攻擊太多會痛苦咁成個轉晒身，比佢壓唔扣血，但係入左肚就要出番黎，因為佢一扒底又係秒殺，走番佢後腳可追打
3)佢飛起時一般留係佢個影，注意佢最後個下火球射邊，企番佢腳背方向等佢降落，可追打
4)有時佢唔放火球，代表佢會追人打，比佢追走到老遠係無事但唔係打得好，最好就係順住佢條尾背部黎走，係個影到打圈滾，等佢個頭對唔到你，佢轉多陣就會降落，可追打
5)佢飛起好耐無動作即係換場地，趁呢個時候食野磨刀
6)佢有一下特別o既痛苦聲代表就死，4個人打多幾分鐘會殺到，打1,2,3,4時等夠鐘都會贏，不過無得掘
7)佢爬到閘口要小心，佢有時轉身你埋牆會走唔到，有時一死三件
8)無論做咩都唔好離黑龍太遠，會好危險，如果黑龍個頭係東面，條尾係西面，你要企係北面不遠處，佢轉身條尾就打你唔到
9)佢快爬時唔好太近佢特別係條尾，輸比黑龍o既人1/5比條尾掃中秒
10)如果黑龍有不尋常動作，記住唔好追打，盡量留係佢身邊唔好太遠
11)多人打時最好位置一致(左後腳尤佳)，特別係打後腳時最好打死一邊，唔係佢一轉身，一邊就比佢掃去前面，另一邊就比佢條尾掃中，最危險就係比佢扯左入肚時，因為團體走位唔好，引到黑龍只轉一次身就趴底，結果又係秒殺。
12)耐性係最緊要，貪打必死，重複一次得四種情況可以追打，1)佢降落，2)佢向前慢，3)佢痛苦轉身，4)佢係地上放火球，追打地方一定係後腳後方。
13)四個人打得好(好彩，佢不停向牆爬)，黑龍1,2,4夠鐘就殺到，打得唔好夠鐘都贏到，傳說就四個字左右。
14)打傳說時早段盡唔好太搏，要好小心，因為太早死左次後面d時間就好大壓力，通常會犯錯。
15)黑龍條血是累計的，傷害會不停累積真到佢死
16)千祁唔好同炮手一齊打，佢一定會害死你，一定，唔關佢射唔射中你事。
關於黑龍傳說問題
1)HR2係打黑龍傳說最底要求，不過HR2洗唔到太古，更加唔好話有雙龍劍，用炮唔建議打
2)3個人打，5支強走係必備，用完左右應該剛好KO
3)落得場打最好個個都係熟識黑龍打法，了解團體合作重要性，稍有一個唔合作，好難捱到廿幾三十分鐘
4)到你覺得黑龍臨死前，佢爬到埋牆唔好打，如果唔係可能頭入左去掘小三次
5)幸運裝或激運裝唔太建議用，最好著業物裝，求磨小一倍石，當黑龍不停慢爬任打時，你會知道磨小幾次石有幾可貴
關於單挑問題
無論黑龍15或50，一個人也是可以殺到的，有興趣的可以試，反正打法是一樣。實用相關搜尋: 3g 貓 花 pda
|
|
|
