我到底應該要點做?
我同我男友已經同居左四年~最近我男友學識玩電腦~玩論壇玩msn...
唉~初初我對佢都好大信心,認為佢玩論壇者,post歌post相都唔會有咩機會識到女仔~
呢排發生左好多小事~積積埋埋令我已經無晒信心,係對我自己無信心
小事係乜~就係呢d~~
早排我見佢玩緊論壇,我就坐左係張床者打緊ndsl,我一起身行過去睇左一睇佢個mon~
佢就即刻將個論壇訊息"look"左上去"傘"住佢打既野~我問佢"唔睇得架?"佢無答我~
當我行出房再返入房個時佢問我"你係咪要睇?"當時我覺得就算真係要睇都比你改晒d野啦~睇黎做乜~
第二就係我覺得無咁既必要,你要做對我唔住既野的話你就已經做左啦~無野好講~所以大家都不了了知~但我個心已經有條剌!
過左幾日,佢叫我教佢用msn,由於我好小用msn而且個list裡面都無乜人,咁咪比左我之前開個個ac佢用~
一路都相安無事~因為佢成日收工都要成十二點幾先返到黎,所以有時我都會用電腦黎睇下劇d/l下game咁~
過左一排,佢呢一段日子裡面,每次放工返黎都會連衫都未換就去左對住部電腦,我話比佢聽我唔舒服,佢"哦"完就算
~~佢唔對住部電腦都還好d~都會知道我講緊乜,但一對住部電腦就乜都聽唔到!期間經過佢哥哥結婚~
我幫佢阿嫂手做伴娘,好多親戚朋友都問幾時會輪到我地兩個結婚,每當有人咁問既時候我個心都會抽一下~
我會諗,我地會有呢一日嗎?
我同我d朋友傾計~佢地就同我講男人係咁~對住部腦就乜都唔理~個時個心已經好灰,覺得咁樣落去會分手~
有一次個msn壞壞地~咁我就重新再裝過個msn~去到選項個度發現原來有得save對話~~我一向都無set呢個功能~
個心即時好忐忑,我應唔應該set左佢睇下佢地平時傾乜~過左幾個字,就做左我第一件錯事!我set左save訊息個功能!
過左幾日,即係琴日,我睇左佢地既對話,睇之前我都諗左好耐,我朋友同我講,睇你就要預左有機會睇到你會唔開心既野!
當時我都覺得佢地講MSN者,都唔需要會唔開心~
睇左,睇埋日期時間,當晚就係佢返工返通頂返到黎屋企個時,我同佢講我執房整到隻手佢淨係"哦"左就算~
個訊息內容詳細既我費事講晒出黎~~
我見佢問個個女仔做乜重未訓~講講下個女仔又話自己醜但就算醜我男友都會要,我見我男友講話睇過佢自貼張相上論壇,個女仔就話張相假既,又話我男友唔信佢跟住係度話嬲,跟住我見我男友打左句"錫返"~
睇完~個心好"UP"對其他女仔就一嬲就錫返~我切切實實地有血有瘀~你就"哦"~好HURT...真係好HURT~
今日再睇,佢地琴晚成班人傾,但傾傾下又見個女仔又話嬲,我男友又係打左句錫返~~個心好似穿左個"LON"咁~
今日睇左一半就已經唔想再睇~覺得自己"羅"黎賤~我話我自己SET SAVE訊息係錯事就係咁解~
男仔可能會覺得,我把口講都未算錯啦,何況依家只係係MSN度打字......
我係覺得嬲,嬲係因為我傷左佢唔理,人地女仔話嬲就即刻錫返,我好想問我係佢心目中究竟重唔重要~
但我明知呢個問題只會令我同佢既關係更加差~所以我到依家都無問出口~
我個心有剌~但我又唔想問出口~~我應該可以點做??
睇晒咁多字~~辛苦晒,我真係想知道人地既議見係點~當然最後都係我自己決定啦~只是想聽聽吧!
實用相關搜尋: msn 論壇 nds game av ndsl 電腦 結婚 3m
