金融High Tea——五一來港 買股頂癮﹖
2007年4月27日



　　期指今日結算，�瓻�昨日開始起動，隨外圍高開135點後，最高升至20,778點，尾市升勢放緩，收報20,667點，升130點﹔大市成交518億元，即月期指報20,665點，升183點，比現貨低水2點，成交62,563張，5月期指收20,531點，升174點，比現貨低水136點，成交49,275張。國指漲83點，報10,260點。
　　 中環茶友話，照目前走勢，期指好有機會頂在高位結算，然後下月再炒高，以期指昨日收市價計，比上月結算時升近1000點，已經有交代。港股從上月初低位18,600點，反彈2000點有多，如今再升番上高位之後，就不能期望日日會上新高。

　　21000點阻力大

　　 股壇大姐大對後市睇好少少，估計下星期或許會炒一炒，佢話見到好多內地人來香港，會唔會乘機炒炒股﹖陸羽仁反問A股升得咁癲，為甚麼要來香港炒﹖大姐大話炒開股無股不歡，今個星期六、星期日內地都要開工，然後下周二開始放五一長假，成個禮拜無股炒，手好痕，不能排除有的內地水運來港炒港股。

　　 大姐大雖然咁講，但她對�瓻�的升幅也不是看得太高，認為21,000點有大阻力，所以係炒都唔會炒太癲。

　　 陸羽仁就估，港股從低位反彈了2000點，短期再衝一衝，都要�W�W氣了，不要對後市有太高期望，以為好快會上22,000點。五、六月是傳統淡季，就算今年一早沽了，不再如鬼佬所講出完業績sell in May（在5月沽貨），都唔好期望5月重演一個1000點的升市。

　　 陸羽仁經常用去年的6月跌市做例子，至今都和現時大市走勢出奇地�琣X，上次6月跌市期指同月從低位反彈了640點，到7月大升了1105點，但之後兩個月就好呆，8月期指升了197點，9月期指升了367點，到10月（跌市後第4個月）才開始大升。雖然今年市勢未必會和去年重複，但大市急彈之後，在5月波動上落，無重大進帳，絕不為奇，投資策略是不宜高位追貨，我在19,000點時叫大家買，到20,000點再叫買，升到高位後，就唔好咁博了，再抽升後，回吐幾百點一的都唔奇。

　　工行轉強頂到大市

　　 銀行")' onmouseout='this.className="inline-search-anchor"' onmouseover='this.className="inline-search-anchor-hover"' alt='More on [工商銀行]'>工商銀行（1398）[股價及相關新聞] 公佈今年第一季度純利189億元人民幣，是去年全年純利的38%﹔多家證券行調升工行盈利預測及目標價，刺激工行股價上漲1.16%，收4.36元。高盛指工行業績反映工行的策略成功，貸款增長低，但高中間業務增長強勁，該行給予工行「買入」投資評級，12個月目標價為5.28元，等於高盛預測的07年市帳率3.36倍。摩根士丹利亦調升工行2007至09年盈利預測5%，並將其目標價由4.45元調升至4.73元﹔而美林亦調升工行目標價12%，至5.1元。

　　 茶友話，過去工行股價較呆，如今開始多大行看好，有上升動力。工行佔�瓻�一定比重，加上�擢蛂]005）[股價及相關新聞] 重拾動力，成為大市的重大支持，所以見到大市調整時，亦不宜看得太淡。

　　洛陽鉬業（3993）[股價及相關新聞] 首日掛牌，最高見11.28元，收市報10.82元，較招股價6.8元高59.1%，認股者有得執，不過高追有風險。而今早首日掛牌的中信銀行，暗盤價約為7.06元，較招股價5.86元高20.48%，最曾高見7.17元。持有中信銀行股權的中信國金（183）[股價及相關新聞] ，股價亦一如所料回軟0.6%。

　　陸羽仁

期權攻略（２） 2007/4/27 上午 10:32:17
網誌分類: 經濟  



    　今日講證券掛鈎投資（ELI），業界當正高息存款來sell，早兩日去北京首都機場，竟然見到一間香港銀行賣ELI的廣告，向祖國同袍推銷這種「存款」，既可見這種產品的擴散，亦可見外資行逐步泌入內地市場。 　　正如我昨天所講，ELI不止是存款，還包含一個期權，記得十幾年前，中資銀行推出一種和外幣掛鈎的「期權寶存款」，原理也是一樣，不過是和外幣掛鈎，不是和股票掛鈎。 　　試想正常三個月定期假設是２．５厘息，做一個ELI，和匯豐掛鈎，竟然有７厘息（所有利息條款只屬假設），多出來的４．５厘息從那�堥荂H其實就等如買家沽出一個匯豐的認沽期權，多出來的「利息」就是收取期權金（當然亦包括銀行的賺價），買家承諾在到期日以匯豐現價９８％接貨，匯豐現價１４５．１元，即是１４２．２元接貨，換言之在三個月後的到期日，若匯豐跌到１４２．２元以下，對手就會行使這個認沽權，要ELI買家在１４２．２元的水平接貨，另一方面，若屆時匯豐股價在１４２．２元以上，對方當然不會行使認沽權，ELI買家就可以淨袋那７厘「息」。 　　正如我昨天所講，沽期權一方風險無限，買期權一方風險有限，所以你估一個ELI時，不經意參與了一個高風險的遊戲，等如沽了期權，要在固定價位接貨。假設明天來一個股災，匯豐三個月後跌到１１０元，等如跌了２２．６％。條數咁樣計，你多賺４．５％息，但要冒一個潛在會損失１０、２０％的風險，雖然發生這件事的機會好微。 　　好多ELI的買家會咁諗，唔怕啫，匯豐現價我都想買，低２％接貨更抵，買入長揸，一定會見家鄉。其實這種思維好啱，買ELI，不要見高息就貪，要做好會接貨的準備，要認識清楚內含的股票接唔接得過，諗清楚才好買。 　　換個例子你會明的，而家好多新股一出，都有好多衍生產品推出，「利息」又高，接貨折讓亦深，睇落好抵。舉一個例，如果今天有隻和新股洛陽鉬業掛鈎的ELI，利息１５厘，做三個月，接貨價９０％，你話抵唔扺？ 　　ELI由於內含期權，需要為期權計價，期價計價主要看一．時間值，即有多長時間到期，二．內在值，即期權行使價是價內多少，三．引伸波幅，即估計股份的波動幅度。時間期短，輕微價內，和波動較少的匯豐掛鈎，自然期權金較低；若和波動很大的新股掛鈎，即是更加價外（即行使價的折讓更深），期權金仍然會好高，所以ELI的「利息」也高。呢個世界好公平，風險和利潤成正比例。期權計價，有一個好權威的Black-Scholas　Model，　由阿Black和阿Scholas兩個學者創出，阿Scholas好出名，後來和他人一起創立長期資本對沖基金，不過９８年炒俄羅斯衍生產品爆了煲，可知識計數唔等如識炒也。 　　講番洛鉬的假設ELI，你買入收佢１５厘息好似好爽，但到現價９０％就接貨，它比招股價升了５９％，一個大調整，不要講股災，跌番去招股價一的都唔奇，等如跌了３７％，你９０％價位接貨仍跌２７％，匯豐跌到１１０元，你會好有信心它最多花幾年會升番上１４２元，但假假洛鉬不幸跌到６．８元招股價，你敢唔敢信佢一定升番上１０元？坦白講，大家對洛鉬的認識相當有限，都係盲俠聽聲劍而矣。 　　在現代社會，好多新投資產品都內藏期權，若對期權一無所知，好多時冒了高風險而不自知。 陸羽仁

金融High Tea——傻瓜比股票多
2007年4月30日



　　踏入五月，股市進入傳統淡季，不過升近高位的港股，相信仍會在高處上落波動，你看內地股市和美股不斷創新高，就知道外圍有一定力度，只要這兩個市場一日未大散，港股仍然有得炒。
　　 股市上升和下跌時，傳媒總是找到很多評論員訪問，講出各種各樣上升和下跌的原因，但這些解釋只有心理作用，好讓散戶一天工作回家後，突然發覺股市升了或跌了幾百點時，不至於不知所措，聽到一個解釋，總會令人安心一點吧﹗

　　 投機家科斯托蘭尼曾經講起一則小故事，他年輕時第一次到巴黎證券交易所時，一位老先生朝他走去，問他﹕「年輕人，我沒有見過你。你是誰﹖」科斯托蘭尼回答說﹕「我第一次到證券交易所，我是X公司的實習生。」老先生說﹕「你的上司是我的朋友，我現在教你一些非常重要的東西。你看看周圍，這�堛漱@切都取決於一件事，就看這�堛熄怚吨顒挐憐h，還是股票比傻瓜多。」（《一個投機者的告白》，頁92）

　　 科斯托蘭尼這位大投機家入交易所聽到的第一個道理，就成為他炒股生涯的座右銘，他就是這樣解釋股市的行情趨勢，看賣方賣股票的情況，是否比買方買股票急迫﹔如果股票持有者迫於心理或物質上的壓力，被迫出售股票，有資金者雖然想買股票，但無買貨壓力，股市就會下跌。

　　內地傻過香港

　　 反之，如果資金所有者迫切尋找股票，股票持有人沒有物質或心理壓力要急�茈X貨，股市就會上漲。科斯托蘭尼謹記這條準則﹕股市一切取決於供給和需求。

　　 這種講法表面看好像是講「阿媽係女人」的道理，不過既然大投機家講他的全部證券交易理論都以此為基礎，你就應該明白道理唔係咁簡單，因為好多人對股市升跌講出好多好複雜的理論，但卻忽略了最基本的供求關係。科斯托蘭尼認為當股市出現不合理的波動時，要評估各種因素，看出未來的供求情況，才可以判斷大市的走勢。

　　 都係唔好講到懶高深，還是回到「傻瓜多還是股票多」這個基本問題。陸羽仁就覺得「香港股市的傻瓜唔夠大陸多」，咁講並無對內地同胞的智慧有任何貶義，只是講兩地股市處於不同的光景。

　　 你睇中信銀行A股、H股上周五在兩地同時上市，中信銀行A股狂升96％，但H股（998）[股價及相關新聞] 只升14%，升幅一大一小之下，中信銀行A股較H股有73％的溢價。同一家公司的股票，股東權益基本一致，但價錢可以有這麼大的差距，可見兩地股市的熱度有多大差異，內地股市已熱到爆錶。

　　增準備金力度未夠

　　 上海證券綜合指數由年初約2400點，升到上周五收3759點，短短四個月急升57%，（綜合指數包括A股B股，若單講A股升幅更巨）﹔反觀港股年初時是20,310點，現在是20,526點，因為中間經歷調整，結果只是微升1%，兩地股市的熱度有好大反差。

　　 現在好多內地數字都睇到股市都過熱，例如新開戶人數每周100萬人，假設每人投入1萬元，每周新錢入市都有100億，傻瓜咁多，股票相對有限，自然會推住指數上。

　　 上證綜指3700點，等如內地股票約40倍PE，上次2002年跌市前大陸股市PE升至驚人的60倍高位，換算成現在的股市即5600點，當然不等如話內地股市要升到此水平才會爆煲，不過是升穿4000點後，即使不爆，大調整的壓力都好大。

　　 人人話驚內地在五•一長假之間出宏調措施，結果未到五•一，內地就宣佈調高存款準備金，增加銀行存款準備金，只是軟招，內地現在講緊係加息的硬招，但市場都質疑若只加零點二七厘是否夠力，如果只是調高存款準備金，對股市降溫作用接近零，亦即係無作用。

　　「十七大」 近 無人�嶺�

　　 大市股市如今不是問阿爺是否出招，而是出的招數有幾勁，有熟悉大陸政情的茶友話，不要期望阿爺出太辣的撒手�寣C例如加息，一般加0.27厘已經預�驉A若然只係咁，恐怕內地股市都未必會調整﹔內地有議論會否一加就加0.54厘，不過阿爺唔似咁大手筆，中環茶友話，即使加到0.54厘，內地股市最多跌兩日就升番，因為股票日日升幾個巴仙，0.54厘年息又算甚麼。阿爺唯有加快讓巨型紅籌如中移動（941）[股價及相關新聞] 等回歸A股市場上市，靠這些巨股吸走過剩資金實際一點。

　　 內地股市「政策面」唯一的利好因素，就是官員口氣放軟，似乎好怕搞到股價大跌。經過2月27日傳出徵收股本增值稅而令股市急挫後，官員更小心謹慎，講多兩句好像怕嚇親股民。中國證監會主席尚福林近期未見出來點評股市，只是話要做好監管。熟悉國情的茶友話，中共今年開十七次黨代表大會，現時部長一級已經陸續執位，傳聞尚福林另有高就，自然怕講多錯多，怕搞出大跌市，撩起股民請願，搞到自己烏紗不保，新職位泡湯。所以由現時至秋季，就形成政治真空期，阿爺高層沒有很多人願意出硬手管股市。不過任得A股自由發揮，好易就破4000點、衝5000點，升得愈快愈急，爆煲的危險愈大。

　　 講�鼲搨@內地股市過熱，千祈唔好以為香港股民好冷靜，世事只是相對，香港股市傻瓜相對內地少的而已，論絕對數仍然相當高。而且�琤肏�數逐漸染紅，若果大陸股市爆煲，港股亦好難獨善其身。

　　炒股唔知真傻瓜

　　 睇番香港自己的環境，基調亦是傻瓜比股票多。港股雖然接近高位20,800點，但未致於不斷創新高，感覺上仍然有少少水位。而且美金不斷跌，港元跟住跌，在外資眼中，香港資產相對變得便宜，更多海外傻瓜來港，有利炒作。3月的調整反彈太得快，好多股民來不及買貨，�瓻�又上番高位，守得在20,000點至21,000點之間一兩個月，可以將大量將信將疑的散戶，變番做好友，只要個市一起動，大家怕執輸齊齊來搶貨，買股人多沽股人少，大市又可再推上高峰。

　　 內地A股的調整危險，成為短線利淡港股的唯一因素，除此之外，實際上又睇唔到有太多睇淡理由，若果阿爺真係細細力加息，搞一些唔咸唔淡的宏調措施，大市微調一下，更有利住後上試高位。

　　 總之一句講晒，唔好成日問個市升唔升，點解升。照�屪銵A如果發覺自己已加入搶股票的傻瓜一族，身邊愈來愈多人係咁，股市咪升囉。大家睇慣陸羽仁都知，股市升溫時，我不會叫大家不買股票，只會叫大家轉用「投機的我」的心態去炒股票，要睇位做人，唔好信所謂基本分析。買一隻股明明係炒，想借消息短炒博二成，博唔中輸一成要即刻斬纜，千祈唔好睇錯唔肯止蝕，變成死守，跟住仲抬番隻股的「基本因素」來自我麻醉，話畀自己聽隻股可以長�間C明知自己炒股的人，按紀律行事，不是真傻瓜﹔遊離在炒股與投資之間，畀形勢牽住走，自己都唔知自己想做甚麼的人，才是真正的大傻瓜。

　　陸羽仁

期權攻略（３） 2007/4/30 上午 09:41:49
網誌分類: 經濟  



    　講到期權，惹起各位有經驗有研究的網友回應，大頭仔自己有做開期權，我相信佢最Pro(其他無經驗的網友睇吓好了，未認識清楚唔好學)，就從大頭仔沽１９０００點的認沽期權，收取９３點期權金講起。　　網友S2000講自己無貢獻，千祈最好咁講，唔明敢去問已經係一種貢獻，讓我知道網友明白多少，S2000 有少分唔開期指和期權；大頭仔話沽一張１９０００點的認沽期權，他講「期權」（option），不是期指，若沽期指，做價會好貼近�瓻�現價，�瓻�上週五收２０５２６點，下個月期指造２０３４７點，低水１７９點（部份由於藍籌股除息因素），期指下月只得一個價，就是２０３４７點，所以沽期指不會沽到１９０００點這些低價。　　大頭仔是沽認沽的期權，期權每２００點一個位，每個位同時有「認購」和「認沽」的期權，即是有２０４００點的認購和認沽，有２０２００價位、２００００價位、１９８００價位，餘此類推吧，每個位都有人開價，你想像一下一隻股票的put 輪和call輪，不同輪有不同的行使價，情況亦都是一樣。　　大頭仔沽的是１９０００點的認沽輪，以期指現價２０３４７點計，距離他沽的期權水平１９０００點，差距１３４７點，是極價外的期權。換句話說，�瓻�在下個月不跌到１９０００點樓下，接他貨的對手，買入這份價外認沽期權，並無行使價值；通俗點講，�瓻�若不是大跌，大頭仔都唔使驚，因為一般�瓻�一個月好少跌過１０００點（股災當然是例外）。若到５月底期指和期權結算日，�瓻�收在１９０００點樓上任何一個水位，大頭仔沽出的期權都沒有行使價值，對手不會行使，大頭仔便吃掉了９３點的期權金，扣除一買一賣約３點的使費，大頭仔賺了９０點，以每點５０元計，他袋了４５００元。由於他是在期權「沽」的一方，風險無限要獲利有限，他獲利只是殺盡期權金，不會因為５月底期指收２００００點而收到１０００點的差價。　　你聽落會覺得咁樣執４５００元都好易，不如我都走去沽吓，咁樣好過番工呀！不過大頭仔沽期權，等如坐落做莊一方，係好專業的行為，相信他亦做慣做熟，好識風險管理。你一條新仔行埋去做，不但要放低幾萬銀按金，而且期指一路，經紀會一路催你補孖展加按金，好衰唔衰，你一做就遇到股災，一個月跌４０００點，大頭仔跌５００點時可能己斬纜走咗，你就一跌補倉守到月尾，假設５月結算價是跌４０００點到１６３４７點，你沽的１９０００點認沽期權，對方按１９０００點行使，計及１９０００點至１６３４７點的差價，你輸２６５３點，每點５０元，盛惠１３．３萬大元。這是一個以大博小的遊戲，沽期權者能吃的只是少數目，但他贏的機會好大，只宜好熟悉市場或大戶來玩。　　希望大頭仔不要介意我拿他來做例子，我相信他能吃掉９３點的機會有９７％以上，我只是危言聳聽，叫不懂期權運作的散戶不要盲目去跟。　　這�堣S要講一個再深一點的問題，對期權無興趣者可以不看。有人講起究竟沽出認購期權的風險大，還是沽出認沽期權的風險大，我經常講所有沽期權者都要冒上「無限」風險，網友Pasu提出補充，話只是沽認購期權有無限風險，沽認沽期權風險有限，Pasu係咁講「陸SIR 已經講過SELL PUT既風險(SELL PUT風險並非無限, 因股價最多跌至0), 但係SELL CALL就真係風險無限, 必須對沖.(試想你如果20蚊SELL左港交所CALL, 結算時港交所升到80蚊, 60蚊差價乘槓桿...)以匯豐來說SELL　PUT 理論終極風險係144行使價跌到0, 你SELL 十手, 可能係幾萬蚊既投資, 但輸到盡時要賠10手X400股X144=約60萬), 匯控穩陣其實唔駛咁驚. 但如果玩其他上落大既股票既期權, 近價SELL PUT 之餘 最好加個 價外 LONG PUT對沖, 成本會高左, 但係就算911, 匯控跌到70蚊都唔駛驚。」Pasu提出的是學理上、或者是數學上的定義，數學上沽出認沽期權的風險的確不是無限，例如沽１９０００點的�瓻�認沽期權，理論上�瓻�最多跌到０點，每點５０元，即是沽１９０００點認沽期權，最多只是輸哂１９０００點，即是輸９５萬元，不是無限。但若沽認購期權，理論上�瓻�可以升到無限咁高，所以沽認購才是無限風險。不過在現實生活�堙A以�瓻�期權為例，一個月的升跌有限，而根據往績看，股市或股價短期內的下跌幅度，比上升幅度為高，若來一個股災，一個月跌５０００點不出奇，但即使是大牛市，一個升２０００點都好誇張，以８７年跌市計，幾日跌就跌三成，以現在的點數計，要跌６１００點，即是�瓻�要跌到１４０００點。所以沽�瓻�期權的專業老手，現實操作時，沽出認沽期權時，會比沽出認購期權審慎，會做多少少對沖。若你睇完成篇文，仲係一頭霧水，亦唔知我為什麼講期權，我就勸你唔好炒輪啦，因為窩輪就等如期權，你唔明白期權的道理，又點去炒輪呢？ 後記：明天五一假期，網誌暫停一天，歡迎網友留言。 陸羽仁

金融High Tea——大好友示警 要留神
2007年5月2日



　　 五一勞動節無市，有少少寂寞，睇�鵀迨@晚美股，杜指收報13,062點，跌58點，跌幅0.4%，美股升�鼲搹h，日日創新高，回番少少好正常。
　　 假期前本周一港股借內地宏調消息回落，�瓻�跌了207點，不過成交只有498億，唔算太多。正如陸羽仁上周講起，中環茶友話怕阿爺出招，趁五一前減的貨食鋪細胡，結果真係回落，佢�鰬P期一大市跌300、400點時，已開始補番少少貨，可見佢唔係真係睇得咁淡，只是炒炒波幅。

　　茶友補貨炒波幅

　　 茶友講起，月頭就跌，必有蠱惑，而且周一內地股市根本無受宏調影響，上海綜指升2.2%，但係港股唔跟，自己鍾意跌就跌，這種走勢只有兩個可能，第一是月頭就開始急跌，是大跌市的開始，第二個可能是跌完引你追就回頭，其實只係炒波幅，大市仍然在20,000點至21,000點中間上落。

　　 茶友話佢信後一個理論多�齱A不過他在高位減了貨，而家�項f，有貨在手，可能有偏見，叫我信住佢六成。

　　 一向唱好股市的李四叔企出來對內地股市示警，倒叫人留神，有「亞洲股神」之稱的李四叔認為，內地股市屢創新高，原因是錢太多，並指內地股民如「盲俠」，缺乏知識，無論幾貴都買，幾近瘋狂，「想今日買明日賺，以為買了股票一覺醒來後就會賺好多，世界上邊有呢回事」，佢呼籲股民要留意市場風險。

　　 港股方面，李四叔維持原先的投資策略，即�瓻�回落到一萬八千點就買貨，升至二萬二千點就要採取較保守的投資策略。

　　股神為碧桂園解畫

　　 大家都知李四叔是大好友，睇好國壽（2628）[股價及相關新聞] 高位再升一倍，碧桂園（2007）[股價及相關新聞] 又話升一倍，不過四叔對這些評價補補飛，話「投資無可能一朝發達，要長線投資，低價買入，持有至少一年半載，才有合理回報。早前我推介的碧桂園，要一至兩年才升一倍，不少股民嫌碧桂園升得太慢，現時市場上的股票，一至兩日就升一至兩倍。」

　　 陸羽仁咁睇，李四叔一直睇好大市，對身處高位的股份都一直唱好，但如今突然走出來示警，值得注意，相信是看到市場風險，唔想真係跌時被股民投訴，所以又出來示警補飛。正所謂淡友示警唔出奇，好友示警要留意。

　　 正如網友Kevin問起，「現在情況是港股不算太瘋狂，還不能創新高，日圓匯價好似冇乜問題， 期指又唔係太唔正常，但另一邊內地股市據聞就愈來愈瘋狂，A股圖直線上升，你覺得會何時爆煲? 如果內地市爆煲對港市係咪都好大影響，變�鬻��]唔可以淨係睇�瓻�去分析大市﹖其實有好多股票亦升到『巴巴聲』，只係�瓻�反映唔到。」

　　 Kevin講得好�琚A港股本來唔算太癲，但內地股市咁升法，難免調整。上海綜指現時3841點，五一長假一個星期無市，到下周二才再開市，若果阿爺再出手都阻唔到A股升勢，上海綜指短期內再急升到4000點，調整已逼在眉睫﹔不過調整仲好一�齱A跌完可以再升，若無顯著調整，一條氣直升上5000點，今年升了一倍，氣球就漲得太快太大，一有風吹草動就人踩人，隨時會爆煲。

　　 記得香港在73年1月到3月，�瓻�由900點升到1700點，兩個多月內就升了一倍，跟住就股災，A股升得太急，絕對唔係好事也﹗

　　陸羽仁

期權攻略（４） 2007/5/2 上午 09:28:30
網誌分類: 經濟  



　　網友小潘引述北京晚報一段新聞，發人深省，話說一位北京的李女士用了３０萬買了首創A股的認股權證，但她買了窩輪而不自知，買的那天已是窩輪最後交易日，其後過了窩輪的行使日期後，她才搞清楚自己買了什麼，但由於窩輪過了期沒有行使，就變成廢紙。　　
　　陸羽仁講過，你唔知期權係乜，就唔好亂咁走去買窩輪了，好易賭清。這又回到陸羽仁經常講的一個觀點，賭錢唔緊要，你知道自己在賭錢就可以了。大家都是成年人，要為自己的行為負責，你明知買輪等如賭博，撲埋去，自己識得衡量，好似過大海去澳門，你會唔會一舖將３０萬押下去買大細？你諗清楚都去做，明知係賭都仍然想博，都算係理性行為噃。唔知係賭還押大注下去，就顯然係非理性啦。
　　現實生活�堙A好多人炒輪唔知係賭，最嚴重者是窩輪係乜都搞唔清。據我觀察，炒窩輪輸大錢有兩類人，第一類是全盲毛，就如北京晚報講那位李女士，根本唔知窩輪係乜，遑論背後運作的期權原理。　　
　　陸羽仁有一個記者朋友，講起二十年前的一件事，他當時在一份財經報紙打工，有一日接到一個電話，有位女士喊哂咁打去報館，問佢買的窩輪為何變成廢紙，那個年代尚未有由銀行發的備兌證，她買的應該是公司自己發的窩輪，朋友話那位女士根本唔知窩輪係乜，想解俾佢聽都唔知從何解起，朋友想唔到股民對投資產品的了解少到這個地步。咁樣就去炒輪，自然多多都唔夠死。　　
　　旺市時好多盲毛入市，這個例子不算誇張，陸羽仁聽過一位小姐買了股票，但仍然以為一隻股一日只報三個價，一個買入價，一個賣出價，一個收市價，她根本不知道股票的價格一天到晚都在變動中。她為何有此「誤解」，原因是她看報紙的股價表，登出買入價、賣出價和收市價三個價，就以為股一票一天只報三個價。股民對股票認識少到這個田地，入市買股，甚至買輪，相信比「盲人騎瞎馬，夜半臨深池」更恐怖。　　
　　第二類炒輪輸錢的是半盲毛，這種是知少少的人，陸羽仁得承認，自己後生一點時，都是這類人，這類人什麼也聽過，識得看報，懂得計數，知道期權有時間值、內在值、引申波幅；他們買輪通常是從看好正股開始，睇好匯豐，又嫌正股郁得慢，責得錢多，就去買輪，心諗呢隻輪１０倍槓桿，正股升３％，隻輪仲唔升３０％（都係計錯數），用架計數機，幫助自己發春秋大夢，幻想一下自己睇啱這隻大股的走勢，可以賺幾多幾多。　　
　　半盲毛通常死得比較「唔抵」，第一個情況係佢睇錯正股走勢，買隻輪無幾耐正股就跌，隻輪愈來愈遠價，成交就疏，想沽都沽唔到，通常睇幾睇就無眼睇，望天打救，希望有重出生天的一日，結果大家都估到，不過這種死法已經係最抵死。第二種情況是正股牛皮，唔升唔跌，半盲毛睇唔啱，但無大錯，不過由於隻輪時間值天天耗損，最後一樣輸錢，半盲毛死在沉悶中，比較唔抵。
　　第三種死法最慘，半盲毛其實睇啱正股走勢，甚至一買就中，但隻輪升幅遠低於他預期，原來以為按槓桿率就可以計出升幅，怎知差一大截，部份原因是隻輪走到變價內，升幅收窄，另一原因是價內輪開始貴，散戶不買，只有莊家開價，莊家自然狂食價，開出低價。半盲毛見自己睇中，但隻輪升幅不理想，自然唔願沽，咁樣一揸就揸到尾，不但損失大量時間值，到尾走勢更可能逆轉，隨時由賺變蝕，記得有一兩次匯豐在９月底就跌一跌，因為那時大量匯豐認購輪到期，正股就俾人插低，陸羽仁心諗，咁茅都得？做這些事的人，相信無聽過「盜亦有道」這句話。　
　　半盲毛要走出困局，就要從錯誤中學習，每次要知自己衰乜，買輪要明白窩輪的運作規律，計數叻無用，經驗更重要。炒輪買中唔走，實衰收尾，賣錯唔斬，輸清收場。自知無咁o既定力，就唔好賭呢瓣。
　　我無具體講時間值、內在值、引申波幅，因為我相信，正確的投資態度更重要，態度唔啱，不了解人地個行業點搵食，你識計引申波幅一樣會輸。所以買輪的攻略，第一就係唔買，第二若果真係想買，只能夠採取偷雞策略，唔好諗住食大茶飯了。
陸羽仁

金融High Tea——大象獨跑 拉牛上樹
2007年5月3日



　　 大陸五一長假，港股反彈後未有方向，�瓻�昨日高開，最多曾升至20,483點，下午升幅收窄，收市升69點，報20,388點，大市成交只有469億元。期指收報20,270，升175點，比現貨低水118點，成交42,835張。在內地無市的情況下，國企指數跌41點，報9,993點。
　　昨日的股市表面看無方向，中環茶友話，在上周五期指結算日和本周一，大市被人「隊�驉v落來，好似有人用力按住個皮球，之後放開手，個波彈兩彈，又唔彈得太高，真正升跌走勢未明。

　　大笨象�擢蛂]005）[股價及相關新聞] 是帶動大市的火車頭，她獲杜拜投資公司DIC入股，又賣掉倫敦金絲雀碼頭總部，刺激股價升0.8%，報145.5元﹔不過好多紅色股表現都不濟，例如巨股中移動（941）[股價及相關新聞] 就跌0.7%，收70.95元﹔�擢袗W力跑，就如拉牛上樹，唔係太郁。

　　�擢蛈雀捰A升

　　中環茶友講得�琚A內地無市，香港H要點炒都得，炒起上來唔係人咁品，舞住中移動上落，就如���礞@樣，一日升跌3%，就可以抽高推低大市，�擢蚺匢棜n講些理由，中移動升跌就更加唔講理由，問題只係發唔發力。

　　前大摩策略師碧斯，如今出來搞對沖基金特雷西，碧斯對美股睇得好好，估今年道指會升19%，仲話美國大公司的股票顯得相當便宜。如果你信碧斯，就應該相信�擢蚰穧陰o升，因為美國大企業、特別是花旗等大銀行股份，同�擢蛈P類，股價同樣大落後，如果道指升19%，花旗銀行等公司的股價一定會追落後，�擢蛌捋驧L理由唔跟住上。

　　如今這個世界，不少人認為已出現一個全球性的資產泡沫，在某些新興市場，例如中國，泡沫更漲得厲害。就是因為這些地方的股票升得犀利，花旗、�擢蛌漯捋驦N顯得便宜，所以就有咁多中東佬買�擢蛂C

　　你跟住就會有一個問題，到底是�擢蛂B花旗這些大股追後會追得快，還是資產泡沫爆破爆得快呢﹖若是�擢蚺伀o快，港股中線還會再創新高﹔若是內地、甚至全球爆泡快的，港股當然會跟住衰。陸羽仁唔識答，不過直覺覺得�擢袕o一次有機會創新高。另外即使泡沫會爆破，爆煲前末世的勁升都會好精采，這就是黑寡婦的最後一吻，睇�鴽A有無福消受了。

　　社保減持中信銀行

　　昨日有投資者試盤減持中信銀行（998）[股價及相關新聞] ，中信銀行收6.52元，跌0.8%，試盤價有2.1%折讓，批股價約6.39元，傳聞沽貨者是社保基金。照計社保基金最了解內地銀行的價值，中信銀行又唔係升得多，市價比招股價5.86元，只升11.3%，社保基金還走出來減持，有�齱u唔老黎」。不過社保基金的投資策略似乎是在大型國企IPO全部都�奕f，上市後好快會先沽一部份，立在不敗之地，唔怕出現跌市，和睇好睇淡個股份關係不大。

　　講番中信銀行，上市後暫無表現，比同期上市的洛鉬（3993）[股價及相關新聞] 差很遠。表面看中信銀行升唔多比較抵買，不過茶友話，而家的新股愈貴愈多人追，貪平買了落後新股，無人炒就唔郁，都幾濕滯。

　　陸羽仁

期權攻略（５） 2007/5/3 上午 09:20:47
網誌分類: 經濟  



　　昨日講到「半盲毛」的心魔，「用架計數機，幫助自己發春秋大夢，幻想一下自己睇啱這隻大股的走勢，（買窩輪）可以賺幾多幾多」，今日再講「半盲毛」的期權攻略。　
　　若果是「全盲毛」，我的建議就簡單好多：咪賭，你連頭尾都分唔開，點樣賭？但對「半盲毛」的建議會複雜的，因為佢始終識少少，你叫佢唔賭佢都忍唔住，若真係要賭期權，倒不如建議一個正確的心態。　
　　最關鍵的一招是要知道計數機的正確用途，用佢唔係計贏幾多，係計輸幾多。若果用計數機是用來計贏錢，你會傾向賭得大，好似買匯豐（０００５），現價１４５．５元，升一成，升到１６０元已經好巴閉，你計一計，買５０萬，只賺５萬，唔係幾好肉，無興趣。好啦，改為買匯豐輪，正股升１０％，１０倍槓桿，咪會升１００％？（又計錯數）嘩！買５０萬，升１００％，賺５０萬，既然係賺，點解唔賺多的，買夠１００萬囉，成副身家放落去，升１００％賺１００萬，好過打幾年工！幻想不斷延伸，諗吓話唔埋隻匯豐正股升到１８０元、２００元呢，咁就發囉，買匯豐輪可以賺３００、４００萬，仲唔一舖上岸！　
　　請大家睇完唔好笑，好多人的投資決定，就是透過計數機幻想投射出來，放大再放大，放到無限大，然後落注，結果匯豐在你買的窩輪到期前升到２００元當然無發生，不過你愈計數愈買得大這件事，卻肯定會發生了。　
　　用５０萬買匯豐唔做，用１００萬買匯豐窩輪道然會去做，一切都是從幻想開始。如果你部計數機不是要來計贏幾多錢，只是用來計輸幾多錢，這件事就一定唔會發生。你計吓買窩輪、買期權會輸清光，首先你就唔會用咁多錢買，其次就買咗唔中都唔會死守，若果你識得計輸那條數，本來打算用５０萬買匯豐，咪頂多用１０萬、２０萬買匯豐輪囉，輸清光都無咁肉痛呀。　
　　只計輸數，不計贏數，看似好ABC，其實是極高的境界，陸羽仁識一個玩期權的高手，就係呢種人，佢呢個月買中，你問佢贏幾多，佢答唔到你，當然他並不是對自己的注碼矇查查，而且佢仲會不斷用方法鎖定利潤，但佢唔去計贏幾多，話到月尾結算自然知o架啦，倒是他的經紀關心過佢自己，經常同佢報喜，佢就好平常心，遇勝不喜，佢仲有句口頭禪，以前我輸幾多你唔知，而家只係贏番輸個的咋。　　
　　但這個高手對自己輸幾多就一清二楚，知道自己開咗幾多倉，輸哂要輸幾多錢，你問即刻答到你，就係因為佢太清楚輸哂可能會輸幾多，所以永遠唔會輸哂，通常輸到咁上下就斬纜，用佢o既話，攞番少少本，下個月再賭過。　　
　　只計輸數，不計贏數，既可控制注碼在合理範圍，也可以讓贏時滾存，在輸時止蝕，慢慢做出輸少贏多的成績，輸時輸１０萬，贏時贏２０萬，一年１２個月，假設一半啱一半錯（實際上期權高手的命中率有七成以上），輸那些月份輸１０萬，贏那些月份贏２０萬，一年就贏了６０萬。做到這個往績，長贏長有，條數都幾襟計。我咁講不是鼓勵大家賭博，這種高手萬中無一，好難學，但想賭也可以學吓高手的基本功，控制注碼，不要舖舖哂泠，好多人睇王晶的「賭王戲」睇上腦，日日幻想自己做股場中的賭王，以為哂泠會博到大霧，結果哂泠的結果多數是博到出局，要想在賭局勝錢，先要限注，保住唔輸得太多，然後慢慢尋找方法，積小勝成大勝。　　 　
　　買窩輪哂泠好易輸死，除了賽例不合理之外，還關乎期權的根本特性，有網友亦指出，股份會升，會跌，亦會唔郁，在期權買家的一方，如果股票唔郁，唔上唔落，期權買家一樣輸錢，現實上股票好多時係唔郁，或者只係波動上落，郁一輪又差唔多番番原位，所以輸錢的機會好大。你買窩輪買中股票走勢未必可以沽得到，買錯一定輸錢，買了唔郁同樣會輸，唔郁或波動上落的機會可能高達３０、４０％機會（只是靠估，隻隻股唔同，引伸波幅一定程度反映了股份的波動性），你買輪長揸，不知期權特性，豈不是極之老襯？ 　　
　　去賭場買大細，據說命中率約４７％，不是５０％，那３％是莊家開全骰等情況吃掉你的，賭場就是靠這３％的差額，長線賺錢。買輪若有３０、４０％機會波動上落或唔郁，等如買大細開全骰，你買輪長揸就這樣被人吃掉，豈不是入賭場賭大細仲好少少？
陸羽仁

金融High Tea——地產股中國概念 有排炒
2007年5月4日


�琣a在西安投資地產項目，面積如三個太古城之大。
　　 股市呆�髐@排終於發力，上午�瓻�隨外圍高開194點後，一度在升200點上下徘徊，下午隨美股期貨上升而扯高，進一步升至20,739點，收報20,681點，升293點，大市成交544億元﹔期指收報20,550，升280點，比現貨低水131點，成交45,387張。國指漲141點，報10,134點，
　　 期指工具中移動（941）[股價及相關新聞] 升2.04%，聯通（762）[股價及相關新聞] 升2.94%，網通（906）[股價及相關新聞] 倒升0.63%，中電信（728）[股價及相關新聞] 升1.06%。

　　收市高位只差140點

　　 美股連創新高，杜指早一晚收13,211點，升75點，再創收市高位。昨日在下午港股開市時，杜指期貨升71點，報13,248點，預示昨晚美股會再升，所以港股又炒上。

　　 講起�擢蛂]005）[股價及相關新聞] 強勢，昨日果然有表現，收147.1元，升1.2％。早兩日唔好景的中移動（941）[股價及相關新聞] 亦出現���穧V上狀況，收72.4元，升2%，脫離了單靠大笨象拉起大市的格局。

　　 中環茶友發牙痕，話呢一轉升市，唔知可唔可以挑戰高位，�瓻�的高位是在今年1月24日做出，日中高位是20,971點，收市高位是20821點，上個月下旬有兩日都逼近這個點數，但未能衝破﹔現今�瓻�20,681點，比收市高位只差140點，比日中高位差290點，睇落唔係距離咁遠，而且美股老牛上樹都連創新高，所以就算要�W�W，之後港股或者都要試一試高位。

　　話港股要衝新高，是考慮到外圍條件，本地重磅股都比較好景，今年初大市在高位上落，好多時都只升一隻中移動，如今�擢蚼型B升勢，直向去年11月的高位152元進發﹔中移動亦未到今年2月的79.85元高位，所以雖然不排除會稍為有整固，但只要兩大股同時發力，衝高有望。

　　內地投資逐隻捉

　　另一大片股份也有異動，地產股一直沒有大表現，但美林唱�痚穧a產（012）[股價及相關新聞] ，將�琣a的目標價大幅調升27.88%，由52元上調至66.5元，以反映公司在中國發展的估值，並認為市場忽視了恆地在內地的龐大資產基礎。�琣a受好消息刺激，股價昨日午市抽升，一度高見51.1元，創逾7年多新高，收市報50.6元，大漲近7%，成交達7.38億元。

　　其他地產股亦普遍造好，長實（001）[股價及相關新聞] 、新地（016）[股價及相關新聞] 、新世界（017）[股價及相關新聞] 、信置（083）[股價及相關新聞] 及�痗岫a產（101）[股價及相關新聞] 升0.9%至4.5%不等﹔收租股九倉（0004）[股價及相關新聞] 升2.2%。

　　多個地產商都在內地下重注，如長和系、新地、新世界、嘉里、太古以至�痗屆A都暗中大搶內地地皮，係咁開工，若果大行逐一點評，難保地產股有一浪「中國概念」炒�鵅C

　　陸羽仁

期權攻略（６） 2007/5/4 上午 09:47:04
網誌分類: 經濟  



  　　今日可以用大頭仔炒期權的實例，講吓期權運作。大頭仔炒o野幾專業，大家都知佢早前沽咗１９０００點的認沽期權，收咗９３點期權金，他沽完之後大市再插，因為認沽期權在跌市中會上升，有一段時間他帳面輸錢。　
　　結果大頭仔昨日以７０點買入他早前沽出的１９０００點認沽期權，平倉離場。他沽出時是９３點，買入平倉時是７０點，加３點使費，淨賺２０點，一張期權賺了１０００元（他話賺了２０００元，應該沽出兩張）。　
　　其後大頭仔有咁o既留言：「Luk Sir,　個市睇唔掂，所以今日早上升約200點時都平晒期指好倉同19000認沽期權，點知午後個市仲升，又賺少好多！大陸同美國個市位高勢危，但港股牛牛皮皮，無咩方向，前日即月期指插到19933，真係嚇親我，轉眼又2萬5百幾點，吹漲！夠膽炒波幅其實幾好執，不過為保住落左袋o既利潤，家下愈玩愈縮，你同你個高手期權friend有咩高見，教下大頭仔！」　
　　大家請留意，大頭仔是「賺少」了，不是輸錢。陸羽仁經常講，炒作「有糊唔食，罪大惡極」，所以我見人炒作時食糊走人，即使後來發覺賺少了，從來認為無大壞，錢係賺唔哂o既。　
　　我地又好殘忍咁睇吓大頭仔賺少幾多（我見佢一直無投訴我搵佢做例子，假定佢唔介意），昨日１９０００點認沽期權最高８６點，最低５２點，收市５８點，若是大頭仔在收市時才買入平倉，一張可以多賺１２點。不過大頭仔食糊的心情絕對可以理解，他在１９０００點認沽期權９３點期權金時沽了，後來大市跌，他沽了的認沽期權升了上去，升到過百點樓上，他捱過幾日價，昨天早上１９０００點認沽期權落番到８６點的水位，和他的沽出價相去不遠，其後跌到７０點，他開始有少少肉食，決定食糊一的都唔奇，誰可擔保昨天下午股市再升，若下午股市回軟，１９０００點認沽期權又去番８０幾９０點的水平，大頭仔又變成打平手，所以他在昨日的市況下入貨平倉，正常不過。　　
　　但話得說回來，我昨日第一眼看到大頭仔的留言時，當時的反應是「做乜平倉平得咁快？」那時我想的不是當天市況，而是大市重上高位，對沽了認沽期權者開始有利，大家應該記得我早前講過，期權沽家（等於窩輪的發行商）不但是對手睇錯方向時殺倉，即使股份牛皮亦可殺倉。大頭仔沽的是１９０００點的認沽期權，是極價外的認沽期權，即使佢話好擔心的那一天，期指跌到１９９３３點，距離他沽出的認沽期權行使價還有９３３點，加埋他收取的期權金９３點，他還有１０２６點作安全墊，其實都幾安全。所以當大市重拾升勢，脫離弱區時，大頭仔作為認沽期權沽家，唔使望大市長升不止，只要高位上落，到月尾都可以盡收那９０點的期權金。　
　　所以我俾大頭仔一個技術建議，將來作為期權沽家，若形勢有利，不用急著平倉，因為時間在自己一方，對手的期權時間值天天耗損，磨落去都磨死對手，大市升番上來，過兩日即使回吐，但再跌落２００００點的機會已減低；相反若作為他對手的期權買家（等如窩輪的持貨者），就應該急好多，期權天天減值，要睇位食糊，你一次唔食，兩次唔食，結果睇啱方向都可能食唔到。　
　　大頭仔似係穩陣之人，唔係好想冒險，唔想賭單邊守到月尾，還有另一方法，你早前沽出認沽期權，大市升緊，認沽期權減值，除了入貨平倉之外，另一個方法是在１９０００點之下幾百點，花２０點期權金買入更低價位的認沽期權，形成一個沽出Put spread的格局，即是早前沽了１９０００點認沽收了９０點，再花２０點買入一個１８６００點的認沽期權，由於買番１８６００點的認沽期權保底，大市跌低過１８６００點以上就唔使再輸，而一賣一買淨收期權金７０點，扣成本收６７點，有９９％機會食糊，若最黑的１％機會出現時，大市暴跌到１８６００點樓下，由於已揸了１８６００點認沽期權保底，最多亦只是帳面輸４００點（１９０００點至１８６００點的那一段），扣除收已收取的６７點，淨輸３３３點。另外值得一提的是沽「價外期權」多數可守到月尾，但沽「價內期權」就最好睇位食糊。（這一段較技術性，網友唔玩期權，睇唔明亦唔需要花時間思索了）。　
　　最後講講大市，其實上月尾本月頭的波動，波幅頗大，除了受外圍影響外，也是３月大跌市大反彈的延續效應。３月頭�瓻�插落１８６００點，３月尾升番上１９６００點，４月下旬一度逼近２０８００的高位，到期指結算回調到２０５００點，之後再跌落２０１００點（期指更低１００幾點），如今再彈上高位，試穿２１０００點。　　
　　如今匯豐轉強，地產股又郁，中移動要上就可以舞上，大市向上動力大於向下，問題是有無咁快在５月就大開車，抑或破吓新高又高位上落牛皮，月頭舞上，月尾又回番少少。唯一不穩定因素的是大陸A股，若A股升得太顛後來個大調整，港股也有壓力。整體應是一個向上反覆的格局。
陸羽仁

金融High Tea——隨�荂u市場先生」起舞
2007年5月7日



　　 美股連創新高的大環境下，港股上周五終於升破今年1月24日的收市高位，收報20,841點，升160點﹔現時未破的只是1月24日中創出的20,971點，要破得這個日中高位，�瓻�就要上21,000點啦。
　　 大市創新高後，又進入另一個階段。在大市創新高之前，「投資的我」還有少少空間買股的話，創新高後，股票一浪一浪咁炒高，愈來愈貴，可供「投資的我」選擇的對象愈來愈少，要輪到純粹「投機的我」出場。

　　 唔知大家有無留意，有一個「阿媽現象」，網友Shirley C就講起，叫阿媽唔好投資，就俾阿媽話�魖漭y，事緣早前永恩（210）[股價及相關新聞] 業績唔好，由高位9.8元，跌到落低位，低見4.88元，最近兩日急彈上6.1元，網友Shirley C就是因為「叫阿媽不要入210，先被阿媽話�鬻痟X句……」

　　阿媽勇猛 老手驚歎

　　 表面觀之，Shirley C比較穩陣，怕阿媽撈底隻股再跌會中招，但阿媽就進取得多，結果永恩急彈，阿媽錯過投資機會，自然唔開心啦。Shirley C阿媽是否資深投資者，不得而知。不過陸羽仁在上一個浪已聽到不少網友話自己保守，勸阿媽唔好咁博，但個市繼續升，結果俾阿媽鬧餐飽。

　　 正如經紀張話齋，年頭上一個浪炒到尾段時，雞鵝狗鴨股都喪升，經紀張見到「師奶兵團」，幾十萬掟落去炒窩輪，或者炒4、5線股，炒股幾十年的經紀張，都唔敢跟，但係偏偏就係這些師奶兵團，才會在喪升的股市搵到水。冷靜者唔敢入市，變成蜑家雞見水唔飲得。

　　 陸羽仁估計，如今大市又進入反覆向上格局，雖然不會一條氣直升，個市升得太急會回�鵅A但大勢還是向上，特別是踏入七月可能更熱。在這種市況，讀者只能調整心態，分清楚自己想投資還是投機，若想投資，只能冷靜，無好股唔好入市，有貨想沽也不用太急，要沽也最好用推高止賺位的方式，不回落不沽，以求食盡升浪。若想炒股，就唔好扮晒投資，明知係炒，知道自己是跟往傻�龠沺麊滿u市場先生」（Mr. Market）搵食，隨�荂u市場先生」起舞。

　　 大家應該記得，股神巴菲特的師父葛拉漢，講到「市場先生」的概念。葛拉漢在哥倫比亞大學教書時，將兩個非常重要的概念教給當時做學生的巴菲特，直到今天巴菲特依然奉行不渝。第一個是「市場先生」的比喻，第二個是買進股票的價格一定要留有安全邊際（margin of safety）。

　　投資的我 勿急沽貨

　　 葛拉漢口中的市場先生，非常之情緒化，他每天為股票開價，但他開出的價錢，永遠偏離股票的基本價值，市場先生情緒高漲的時，它眼睛所看到的一切都是好的一面，報價就會往上拉高。當市場先生情緒低落時，整個世界及所有股票都一片黑暗，好像壞消息不斷，報價就會持續拉低，市場先生就是這樣非理性。

　　 葛拉漢教導巴菲特，做一個價值投資者，要平價買入好股，買股時股價夠平，就有充足的安全邊際，不要隨�茈奕鶗�生起舞。

　　 不過陸羽仁奉勸大家，股神唔易做，因為愈來愈旺�鴷姘D，根本無甚平價好股，未來幾個月股市反覆向上，好多阿媽炒股都賺到錢，你懶係做「投資的我」，就只能做塘邊鶴，幾個月都唔入市，睇住人賺錢，應該唔係幾好受。要做價值投資者，不但要忍得手，見到人賺錢都唔好恨，亦都唔知等幾耐。雖然股市升完會跌，但你等極都唔見佢跌，就會失卻耐性。最怕忍幾個月唔買，變成頑固投資者，最後個市升得好厲害時，情緒變得愈來愈樂觀，對無買股追悔莫及，最後忍唔住入市，當頑固投資者都入市接貨時，往往就是跌市到來的時候，一買就跌，那就真係黑過墨斗了。

　　若然要炒 遲不如早

　　 羅馬不是一天建成，賭也不是一天可以戒掉，愛炒股也不易離場，反而用正確態度去面對，小注怡情，反而是上策﹔明知「市場先生」情緒會愈來愈高漲，「投機的我」要跟市場先生起舞，就要明白它的規律。

　　 首先，遲炒不如早炒。假如牛市最後階段要玩半年，你又想炒又遲疑，危險仲大，不如早點炒，炒到咁上下有的利潤在手，反而有條件減磅。你19,000點無買，20,800點都唔買，最怕等到22,000點、23,000點才買，所以要炒不如早炒。

　　 第二，炒股勿信基本分析。講得誇�齱A若要講基本因素，而家大部份股份都買唔過，又例如新股，無論幾好的股份，定價都定得好貴，你買入後信基本分析，又話集股係行業龍頭，見佢跌穿招股價都唔沽，咁就好危險了。

　　 第三，有智慧不如趁勢。要跟「市場先生」起舞，就要跟他的舞步跳動，唔知你覺唔覺，在今年一月開始，大市已醞釀調整之時，那時候就充斥�郛擢蛂]005）[股價及相關新聞] 的壞消息，到4月大市跌定回升，市場對�擢蛌漪搌k開始比較樂觀，不是�擢蛌瘍雂じv響大市，而是市勢變化影響�擢蛂C紅色股也一樣，一浪一浪炒不同股份，去年10月後，大炒以國壽（2628）[股價及相關新聞] 為首的「五行三保」，但國壽1月上A股後，就被人借勢沽，「五行三保」就變成不在熱炒之列，不知何日再翻炒﹔如今中石油（857）[股價及相關新聞] 發現巨型油田，可能這一轉資金又轉去炒中石油﹔總之跟往市場炒，熱潮一退就走，不要堅持自己的看法。

　　嚴守止蝕　保命大法

　　 第四，炒股要嚴守止蝕。巴菲特話佢買股從不止蝕，愈平愈買，但你記住巴菲特是價值投資者，在狂熱的市道，巴菲特根本好少買股，你而家買股，擺明係炒，必須止蝕，要硬守一成止蝕位，以免輸大錢。好似我話個市花一頭半個月反覆整固，又再向上，這是一個觀點，可能會錯，你嚴守一成止蝕，即使睇錯，都唔會輸死。好似內地A股炒得咁癲，的確唔知它在那一天爆煲，爆起上來難免波及香港，到時大市就唔一定反覆向上，可能跟內地插水向下。千祈唔好信了一個觀點，相信大市或個別股票會升，就見地震海嘯都唔走。你到時死牛一便頸唔肯走，最後真係死�驉A返來問我點解，我就會咁答，「我無教你見到海嘯都唔走�諢T」

　　 你聽完我咁講，多少多少都會覺得，跟�荂u市場先生」走，有點非理性，但食得鹹魚抵得渴，在這種市場炒股，最忌又要炒又扮理性，這樣做既賺唔到錢，遇到危險亦更唔識得走。知道自己在非理性炒作，量力而為，反而安全好多。

　　陸羽仁

期權攻略（７） 2007/5/7 上午 09:28:40
網誌分類: 經濟  



　　 網友提出的題目太多，但還是選了一個有關期權的題材，作為這個艱深題目的總結。我講期權，並不是想鼓勵大家炒作期權，大家唔識千祈咪炒，但是見日常生活愈來愈多投資產包含期權成份（窩輪就是好例子，ELI也是另一例子），唔想大家唔識都盲中中去買，所以一解再解。
　　網友Ken問起一種銀行提供的期權計劃，問題係咁o既，「 我睇到某銀行有一個咁 ge 期權計劃：股票掛鈎，建議客戶用某隻股票做抵押，例如股票現價: $50, 行使價(105%):  $52.5, 抵押數目2000股, 每股期權金 $0.5 , 合約期:40日, 收取期權總金額 ($0.5x2000)= $1000。
　　到期日有幾個可能:
　　如果1:收市價 <= 行使價, 我賺期權金+抵押股票, 即$1000 及收回2000股。
　　如果2:收市價 > 行使價, 我賺期權金 + 行使價x抵押股票, 即$1000 + $52.5x2000。
　　咁睇落去, 咪好著數? 牛皮或跌市, $1000 + 2000股。 升市就賺$1000 + $52.5x2000. 可能隻股合升到 $55, 超過$52.5的行使價, 我少賺 $2.5。 但這個方法真係好過定期。 唔知依個 plan 有無咩唔着數?」
　　Ken問起的是最典型的「沽出」認購期權，他是期權沽家，可以收取期權金，他沽一個４０日輕微價外的認購期權，認購價比現價高５％，４０日後計數，收取１％的期權金，即是話４０日後隻股票升唔到５％以上，買入他沽出的認購期權者，因為期權並無行使價值，不會行使，ken便賺盡他收取的期權金，例如隻股４０日後升到５１．５元，但行使價是５２元，期權持有人無理由不在市場上用５１．５元買股，而走去行使期權以更貴的５２元買股。假設阿Ken做了這個期權，他的風險是正股升穿５２元，他就要以５２元賣股俾人，５２元以後的升幅就唔關佢事了。
　　大家應該記得，我講過期權的沽家收取期權金，但風險無限，若果隻股係石油股，突然在地底掘出新油田，股價突然由５０元升到１００元，阿Ken都要找數，付出行使價５２元以上的差價，即是輸４８元。當然我講的是極誇張的例子，大價股４０日升幾個巴仙都好犀利，更可能是上上落唔多郁，阿Ken就可殺哂期權金。
　　不過這個例子和一般沽期權的不同，就是銀行要求客戶用股份抵押，即係話客戶做得這種期權，都是股份持有者，不是無股在手和人對賭，這種情況感覺略有不同。即使股份升穿行使價，阿Ken沽出股份，他只是賺少了，而不是白輸。　　
　　這種持有股份沽期權的手法，叫做沽個Cover call。試想你揸一隻大股，例如匯豐，波動比較細，１年升幅有限，年息４厘雖然不錯，但股份唔升，年回報都只是４厘，唔係好過癮。所以有些人持有大投資組合，都喜歡沽一下Cover call增加回報，他其實不想沽貨，但每當股份有一個小浪向上時，例如升了３幾個巴仙，就沽一個認購期權，股份要再升５％，期權才會被行使，若股份升到咁上下就回頭，他就殺了期權金，試想４０日走一轉，一年走到足可以走９轉，每轉賺１厘，加埋４厘息，咪可以有１１厘回報？　　
　　世事唔可以咁理想，如果沽期權沽得咁密，基本上是不問價去做，一年做９轉多數會被人行使，會賣掉股份，未必買得番，但如果唔咁貪，等股份升到咁上下才做，一年走４轉，加埋４厘息，都有８厘收益噃。
　　假設你等隻股升３％才做，加５％價外，即係話一共升８％才會被人行使，被行使之後都有一個策略，例等佢跌低過行使價２％才補回，若能補回，又賺２％。這種做法，最大風險是游水游了出大西洋，隻股一路升，結果買唔番，不過你只要睇睇自己持有的大股價住績，亦不難睇到佢一年的波幅，睇住波幅做，即使被人行使沽了貨，亦不難搵到位買番。不過大家要記往，沽cover call只宜一些波幅少的大股，波幅大的股份，例如紅色股，就不宜這樣做，雖然沽這些股的期權可收取更多期權金，但要沽貨也不如自己掌握時機沽正股，而不是沽了認期權，抵押了股份，失去主動性，大升市時固然受損，大跌市殺到來，也因為抵押了股份唔沽得，被人夾住。


　　期權呢家o野，若你對佢有深入認識，懂得控制風險，不要大注和人對賭，有時也是增加投資回報的方法。
陸羽仁

金融High Tea——未見好消息 已經閃﹖
2007年5月8日


凱普松昨日已跌穿招股價。
　　 話�瓻�創新高，果然話到就到，昨日�瓻�一度創21,070歷史的日中新高，不過下午升幅收窄，收報20,896點，升56點，相對高位無��174點。期指報20,766點，升44點，比現貨低水130點，成交42,016張。國指升幅亦收窄至112點，報10,496點，大市成交680億元。
　　 昨日�瓻�創新高之時，陸羽仁和各方中環茶友電話談，第一種意見認為已破日中高位和收市高位，�瓻�短期升得七七八八，呢一轉炒完，跟住要回一回。第二種意見認為可試一試21,200點左右。第三種意見最樂觀，認為要試21,500點。不過幾種意見都認為，升完一轉，�瓻�要�W一�W。

　　未等A股先散貨

　　 同中環茶友打完牙骹，再打俾經紀張，經紀張話創新後，散戶情緒幾高漲，大家都估個市要破位向上，陸羽仁喑呼不炒，難道真係咁邪，散戶一睇好個市就見個小浪頂﹖

　　 陸羽仁跟住同經紀張講一個世紀預言，星期二是內地五一黃金周後第一個交易日，股民咁耐無炒，阿爺又無出重招，個市好大機會升，怕只怕香港就借住好消息出貨，之前偷步炒，到A股真係升時，香港國企就派一派貨。再加上今日下午賣地，係人都睇好，話會賣得好價，但這幾日地產股升幅不少，會唔會又見賣地好消息就出貨。講得幾講，就把本來熱情高漲的經紀張講到無晒癮。

　　 不過等唔到今天，昨日下午個市就回，從高位回番百幾兩百點，好明顯有班友等唔到今日，已搶先出貨，未見好消息先閃。唔知有無機會立刻再彈，抑或開始一個微調浪。

　　 無論大市會否借勢回一回，今天賣地勢成焦點，這個政府財政年度才開始一個月多，立即有4宗成功勾地，未來6個星期將舉行3次賣地，4幅土地兩幅同位於西九龍，兩幅位於屯門區。

　　炒新股會中招

　　 今日拍賣的海泓道地皮，由會德豐地產（049）[股價及相關新聞] 早前以26.05億元，即呎價4,003元勾出西九龍大角嘴海泓道地皮，測量界估計成交價會升至逾45億元以上，呎價高達7,000元樓上。地皮值錢，將令發展商的土地儲備估值進一步提高。

　　 炒新股亦有中招時，台資鋁質電解電容器製造商凱普松昨天首日掛牌，平開報0.93元，其後立即跌破招股價，全日報0.85元，較招股價低8.6%，成交1.09億股，涉及金額9,651萬元。

　　 凱普松只是細股，集資唔夠2億，早前公開發售獲超購44.2倍，一手中籤率僅為12%，機構投資者反應不佳，最後以接近招股價下限每股0.93元定價。若有散戶借錢去抽，加上利息成本，都輸到10%以上，加上分得股份比想像中多的，都開始入肉，所以旺市炒新股，都要戴眼識股。

　　陸羽仁

Sell in May 2007/5/7 下午 10:56:07
網誌分類: 經濟  



    　星期一講起大市，估上半年是在高位反覆，第３季會衝一衝。 網友Ray提問，問都好好，值得大家諗諗。
　　阿Ray咁講：「見今天報紙專欄你話如今大市又進入反覆向上格局, 雖然不會一條氣直升, 個市升得太急會回, 但大勢還是向上, 特別是踏入七月可能更熱.
　　First of all, I agree that the technical indicators point to a stronger market.  However, I'm still very cautious. Can you please explain why you're so confident that the market's uptrend will continue through the second quarter?That is, you seem to rule out the possibility of a major market correction in May/June (like the one we had last year).  Why?」（後半部英文問題大意是雖然技術指標指向一個較強的方向，但我仍然審慎，你為何這樣有信心升浪可以在第２季持續？你似乎排除了出現去年五、六月那樣的調整，為什麼？）
　　阿Ray的問題最易答的是最後一部份，而家好多人仍然話Sell in May（五月沽貨），但去年五月到六月的大調整，根本不是普通的所謂Sell in May，而是由於日圓急升後對沖基金套息交易平倉觸發，今年２月底３月初的大調整，原因也是一模一樣，也是由套息交易平倉開始，換句話說，去年五、六月的跌市，今天已在二、三月發生了，不會在五、六月再出現。當然，不能排除有其他種類的跌市，但偏偏是去年五、六月的那種再發生的機會不大。
　　傳統的五月淡市，所謂sell  in May，是因為公司在四月出完業績後，很多公司一年７％、８％升幅就在公布全年業績時體現，出完業績派埋息，短線客就會出貨，這就是sell in May由來，所以五月多跌市。
　　不過今年由於已在三月有跌市，要沽的早已在三月沽了，所以五月業績期後沽壓不致太大。其餘的分析就只是一個往績判斷，去年六月跌市後，大市即月低位反彈近１０００點，第二個月再升７００點，第三個月呆的，升百幾點，第４個月也只是升３００幾點，到第５個月開始大升，第６個月同樣急升。今年三月跌市後大市的走勢，和去年跌市後的走勢出奇相似，也是跌市即月低位反彈過１０００點，第二個月升７００幾點，如果走雷同的走勢持續，今個月的升幅會收窄，創完新高略回，很可能是升三幾百點收場，但維持一定熱度。我講咗好多次歷史不會簡單重覆，但造物弄人，歷史竟然真係簡單重覆緊，又睇吓今個月靈唔靈，靈就要信下去，若大幅偏離去年走勢，就要重新研究。
　　去年這種走勢和資金流好有關係，去年六月跌市後，基金投資者開始贖回，資金一直流出亞洲，其後一直流出，到第五個月開始回流，估計大市的炒盤在跌市一反彈就重新進場，大市反彈到接近原來高位，到五個月後基金錢再入市時，炒盤已借這些基金錢推起第二個升浪，再創新高。
　　再睇重磅股，如今升勢平均很多，中移動和匯豐都未創新高，但一大片地產股已經開始郁，如果升市已到尾站，應該大力抽高匯豐和中移動，頂高一兩隻大股去派貨，但如今升得平均，似乎仲有一個大浪慢慢來。　　
　　我認為最難評估的不穩定因素是大陸，如果A股慢慢調整吓，港股跟往回少少，然後再上，大市更加健康，怕只怕大陸股票唔止唔調整，仲要不停升，風險因素就會加大，隨時出現變異走勢都唔定。
陸羽仁